Khua dêh čar ơi Phạm Minh Chính nao lăng hrơi ngui gru grua yua tơlơi rơnuk rơnua
Thứ hai, 09:31, 07/10/2024
VOV/Siu Đoan Pơblang
VOV/Siu Đoan Pơblang
VOV4.Jarai-Mơguah tom brơi, lơ 6/10, ƀrô tal hơdor glăi 70 thun hrơi pơklaih rơngai plơi prong jưh jom (10/10), Khua dêh čar ơi Phạm Minh Chính nao lăng “Hrơi ngui gru grua yua kơ tơlơi rơnuk rơnua”, yua Jơnum min mơnuih ƀôn sang ƀôn prong Hà Nội pơphun.
Jơlan hơdră anai pơƀuh glăi hơdôm tơlơi hing ang đưm hlâo ƀơi Hà Nội amăng hơdôm tơlơi ngui adôh suang, sit biă ñu bruă ling tơhan blah dưi mut nao mă glăi plơi prong jưh jom amăng lơ 10/10/1954; lăi pơthâo gru grua mơng plơi prong jưh jom, hơmâo hơdôm tơlơi ngui tui gru grua gah bơngăt hrŏm hăng hơdôm tơlơi adôh suang đưm; lăi pơthâo thun blan pơđĭ kyar Hà Nội mơng sa boh ƀôn prong răm rai yua blah wang jing ƀôn prong yua kơ tơlơi rơnuk rơnua hăng pran kơtang, pơplih phrâo.
“Hrơi ngui gru grua yua kơ tơlơi rơnuk rơnua” lĕ jơnum ngui gru grua prong mơng Hà Nội, kiăng lar hyu amăng plang pôr pơhing, lăi pơthâo gru grua hing ang mơng plơi prong jưh jom hăng đơ đam dêh čar hăng gơyut gơyâo amăng jar kmar.
Viết bình luận