Ră anai, ƀơi hơdôm anih pơtơdu čơtăng TBA 110 kV ƀu hơmâo mơnuih mă bruă ôh ƀơi Dak Lak, bruă pơđĭ trun hnong apui lơtrik yua lĕ, jao kơ anom bruă phun gư̆ kơtit mơ̆ng ataih phun ƀơi tơring čar. Yua mrô măi pơtơdu čơtăng lu, bruă kơtit mơ̆ng ataih đôč, anun amra kaih hloh, bơbeč djơ̆ bruă pok glăi apui lơtrik či yua laih anun thun mă yua măi mok pơkĕ apui lơtrik ăt sui laih anun huač apui lu.

Bruă lông mă yua măi phrâo anom pơtơdu čơtăng apui lơtrik 110 kV Buôn Hô, Krông Năng amra krăo lăng tong ten lơ̆m yua apui lơtrik, plai ƀiă hrŏ huač soh sel apui lơtrik, pơđĭ tui boh tŭ yua wai lăng, tong ten apui lơtrik ƀơi djop anih pơtơdu čơtăng apui lơtrik, kiăng ngă tui ƀơ ƀrư̆ pơkĕ yua apui lơtrik dêh čar thâo rơgơi hăng hơđong kơñ pơgi anai.