Tui lăi pơthâo mơng Jơnum min mơnuih ƀôn sang tơring čar Dak Lak, rơwang thun 2016-2020, Dak Lak pơhưč 329 akŏ bruă tuh pơ alin amăng djop mơta, hăng abih tih 57.000 klai prăk. Jŭ yap jang jai amăng rơwang tal anai, rĭm thun tơring čar hơmâo 65 akŏ bruă brơi ngă, hăng abih tih prăk giăm rơbêh 11.400 klai prăk. Samơ̆ dong mơng thun 2021 truh ră anai, đơ đam tơring čar kơnong hơmâo 48 akŏ bruă brơi ngă tui hơdră bruă tuh pơ alin, abih tih 28.000 klai prăk, rĭm thun kơnong 16 akŏ bruă, abih tih giăm rơbêh 9.000 klai prăk.

Ba truh tơlơi anai lĕ yua hrŏ trun akŏ bruă hăng prăk tuh pơ alin amăng tơrign čar amăng 3 thun laih rơgao lĕ yua klin Covid-19, tơlơi bơwih ƀong amăng rŏng lŏn tơnah hăng amăng lŏn ia hơmâo lu tơlơi pơplih; lu anom bơwih ƀong sĭ mơdrô pơprong bưp tơnap tap, lơm anun hơdôm anom bruă anet hăng gap ƀrô aka ƀu hơmâo akŏ bruă prong, yua anun aka ƀu dưi ngă tui.