VOV4.Jarai - Mơguah lơ 12/10, Sang bruă prăk Kơnuk kơna Việt Nam ƀơi tơring čar Dak Lăk pơphun Jơnum sang bruă prăk hăng anom bơwih ƀong đah mơng pok pơhai hơdră djru kơmlai prăk mơng mrô prăk Kơnuk kơna hăng hơdôm prăk čan mơng anom bơwih bong, anom ngă ƀong hrŏm, sang anŏ sĭ mơdrô tui Tơlơi pơtrun mrô 31/2022 mơng Kơnuk kơna.

Mông pơphun jơnum

Ơi Trần Ngọc Duy, Khua sang bruă prăk sĭ mơdrô pơčruh ngăn tuh pơ plai pơđĭ kyar Việt Nam ƀơi Dak Lăk pơhiăp ƀơi mông jơnum.

Tui hăng tơlơi lăi pơthâo mơng Sang bruă prăk Kơnuk kơna tơring čar Dak Lăk, amăng 5 blan pơphun ngă, hơdôm sang bruă prăk sĭ mơdrô hơmâo tơlơi phiăn hơjăn; pơphun pơtŏp brơi abih bang anom bruă; lăng glăi ƀing hơmâo djru mă kơmlai ƀiă; pôr pơthâo kiăng abih bang mơnuih, anom bơwih ƀong hmư̆...Khă hnun, boh than ba glăi aka ƀu djơ̆ tui tơlơi kiăng. Truh lơ 30/9/2022, mrô prăk brơi čan mă kơmlai ƀiă tui tơlơi pơtrun mrô 31 ƀơi Dak Lăk kơnong hơmâo rơbêh 50 klai đôč, mrô prăk djru brơi prăk kơmlai hơmâo rơbêh 13 klăk. Ƀơi mông jơnum, khua pơ ala mơng hơdôm sang bruă prăk sĭ mơdrô hăng anom bơwih ƀong hơmâo lăi pơthâo tơlơi tơnap tap amăng bruă pơsit pô dưi čan mă kơmlai ƀiă, anun jing bruă djru anai aka ƀu djơ̆ tui tơlơi kiăng.

Siu H’Mai: Pơblang