Rơwang thun 2017-2021, tơring čar hơmâo pơhrŏ rơbêh 7.400 biên chế; rơwang thun 2022-2026 pơhrŏ dong rơbêh 6.000 biên chế. Ngă tui tơlơi klah čun mrô 121 hăng tơlơi pơtrun mrô 60, Dak Lak dưm dăp pơhrŏ 1 anom mă bruă gưl tơring čar, 24 gưl tơring glông, 184 boh să hrŏm hăng hơdôm rơtuh anom bruă, sang bruă. Yua anun, bruă mă mơng hơdôm anom bruă, gong gai ƀon lan hơmâo hrưn đĭ, bruă ngă brơi hră pơ-ar djơ̆ hrơi mông rơbêh 98%, ngă brơi ƀơi anăp 75%. Jơnum Ping gah djop gưl rơwang phrâo hơmâo pơgiong tañ 15 hrơi.

Đĭ pơhiăp amăng mông jơnum Khua git gai Ping gah tơring čar Dak Lak ơi Nguyễn Đình Trung rơkâo pơsir hĭ anŏ aka ƀu klă amăng kah gưl, gơnam măi mok, pơhlôm hơdôm hơnong pơkă bơwih ƀong huă-mơnuih mơnam, sit biă ñu lĕ pơhrŏ trun ƀun rin, kiăng pơplih tong ten kơplah wah rơwang ngă bruă, tơdah ƀu dưi ngă amra sem lăng plih hĭ mơnuih apăn bruă.