Dak Lăk: Ngă lơphet 95 thun akŏ pơdong Ping gah Cộng sản blung a pơ Phú Yên
Thứ hai, 14:48, 06/10/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Mơguah lơ 5/10, ƀơi Anih gru đưm Akŏ pơdong Ping gah Cộng sản blung a pơ Phú Yên (să Đồng Xuân, tơring čar Dak Lăk), Ping gah tơring čar, Jơnum min pơ ala mơnuih ƀôn sang, Jơnum min mơnuih ƀôn sang, Jơnum min djŏp djuai ania mơnuih mơnam Việt Nam tơring čar Dak Lăk pơphun ngă lơphet 95 thun akŏ pơdong Ping gah Cộng sản blung a pơ Phú Yên (lơ 5/10/1930-5/10/2025).
Pơhiăp ƀơi mông jơnum, Khua Jơnum min pơ ala mơnuih ƀôn sang tơring čar Dak Lăk yă Cao Thị Hòa An hơdor glăi 95 thun dơ̆ng mơ̆ng hrơi Ping gah Cộng sản blung a mơ̆ng Phú Yên hơmâo akŏ pơdong lơ 5/10/1930 ƀơi ƀut kueng Đồng Bé, plơi Phước Long, să Xuân Long, tơring glông Đồng Xuân, ră anai lĕ să Đồng Xuân, tơring čar Dak Lăk. Ping gah lơ̆m anun hơmâo 9 čô đôč, yua ơi Phan Lưu Thanh ngă Khua. Găn rơgao 95 thun, mơ̆ng Grup ping gah blung a hăng 9 čô, truh ră anai, tơdơi kơ pơmut hrŏm Ping gah Phú Yên hăng Dak Lăk, tơring čar hơmâo rơbêh 137.000 čô mơnuih ping gah; 100% plơi pla leng kơ hơmâo mơnuih ping gah, pơsit tơlơi gơgrong bruă kơđi čar, ngă atur kjăp amăng anom bruă kơđi čar./.
Viết bình luận