Dak Lak pơbưp ƀô̆ mơta hơdor glăi hrơi pioh kơ nai pơtô čơđai sang hră Việt Nam
Thứ ba, 06:00, 21/11/2023
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Ƀrô djơ̆ tal hơdor glăi 41 thun hrơi pioh kơ nai pơtô čơđai sang hră Việt Nam 20-11, mơguah lơ 20/11, Gơnong bruă pơtô pơhrăm tơring čar Dak Lak pơphun pơbưp ƀô̆ mơta hơdôm rơnuk khua git gai gơnong bruă pơtô pơhrăm hăng mơnuih ba jơlan hlâo, nai pơtô rơgơi amăng thun hrăm 2022-2023.
Amăng mông bưp ƀô̆ mơta ƀing khua pơ ala hmâo gum hrŏm lok glăi gru grua phiăn juăt Hrơi pioh kơ nai pơtô čơđai Việt Nam lơ 20-11, lok glăi hơdôm tơlơi gum hơgôp mơ̆ng nai pơtô čơđai đơ đam dêh čar lăi hrŏm, ƀing nai pơtô čơđai hmâo hăng glăk dô̆ mă bruă ƀơi Dak Lak lăi ha jăn amăng bruă “pơtô pơhrăm”.
Hăng pran jua gơgrong, abih pran jua hăng bruă mă, ƀing nai ƀơi Dak Lak hmâo laih lu tơlơi gir run amăng bruă mă, hrŏm hăng anun hrăm mă pô, pơđĭ tui bruă mă, bruă pơtô pơhrăm. Lu nai pơtô čơđai hmâo laih bôh than prong amăng hơdôm tal pơplông, hơdôm tal pơplông nai pơtô rơgơi hơdôm gưl./.
Viết bình luận