Him lăng bruă ngă anai hơmâo giăm 100 čô khua pơ ala mut jơnum rai mơ̆ng djop ding jum, anom bruă gah gơnong dlông hrŏm hăng ƀing ngă bruă sĭ mơdrô ƀơi tơring čar Dak Lak. Rơnoh kơphê hơmâo 560 rơbâo tơn, tiu 84 rơbâo tơn, sầu riêng 400 rơbâo tơn hăng mơnong akan hơdang giăm 51 rơbâo tơn rim thun, tơring čar Dak Lak hơmâo lu gơnam pơkra ming či ba sĭ mơdrô pơ anih kiăng blơi.

Khă hnun, bruă  sĭ mơdrô, pơkra ming gơnam mơ̆ng đang hmua, mơnong akan hơdang phun ƀơi tơring čar kơnong ba nao sĭ pơ dêh čar Khač, Mi, Japan, Hàn Quốc hăng EU đôč….Lơ̆m anun, anih sĭ mơdrô pơ hơdôm dêh čar đăo Islam, kual Arab, dêh čar Malaysia, Indonesia….aka truh 9% ôh gơnam sĭ mơdrô mơ̆ng Dak Lak ba nao. Sa amăng hơdôm tơlơi ngă gun lĕ, yua lu sang bruă mơdrô Việt Nam dŏ kơƀah tơlơi pơhing anŏ či kiăng blơi mơ̆ng anom sĭ mơdrô Halal, hơdôm tơlơi pơkă hăng tơhnal pơkă djơ̆ hnơ̆ng mŏng Halal či blơi.