Khă hnun, ƀơi mông jơnum pơtŏng glăi bruă ngă tui Hơdră đĭ kyar akŏ phun bruă čơkă tuai, Jơnum min mơnuih ƀôn sang tơring čar Khánh Hòa pơsit ăt dŏ hơmâo lu tơlơi aka ƀu dưi ngă amăng đĭ kyar gơnam bơwih brơi bruă ngui ngor, bơwih ƀong sĭ mơdrô mơmot mlăm, tơdrun kom păn čơkă tuai.

Rơngiao kơ anun, tuai mơ̆ng jar kmar aka ƀu hơmâo djŏp čar ôh, pơƀut ƀơi Hàn Quốc, Khač, Nga đôč. Kiăng dưi ngă hăng rơgao hơnong pơkă čơkă 20 klăk wơ̆t tuai amăng thun anai, Jơnum min mơnuih ƀôn sang tơring čar Khánh Hòa kiăng lăng glăi abih bruă man pơdong, čuk pơkra tơdrun kom păn, graih rơdêh; đĭ kyar bơwih ƀong mlăm, čơkă tuai hyu ngui amăng plơi pla; sem lăng pơkra rai bruă bơwih brơi kơ ƀing tuai phrâo dong kah hăng hyu ngui halal, hyu ngui đĭ ƀat tô, hăng pok prong anih čơkă tuai mơ̆ng jar kmar./