Mơguah kơnôl 10/9, ƀơi Sang bruă Kơnuk kơna, Khua dêh čar ơi Lê Minh Hưng git gai ngă bruă hăng Ding jum Prăk kăk hrŏm hăng hơdôm ding jum, gơnong bruă bơdjơ̆ nao, pơhmư̆ tơlơi pơgôp hiăp kơ hơdôm bruă pơprong, yom, đah mơ̆ng čih pơgiong hră tơlơi phiăn, hơmâo: Tơlơi phiăn mă yua prăk kơnuk kơna (pơƀut hrŏm); Tơlơi phiăn pơjuă nua (pơkra glăi), Tơlơi phiăn pơkra glăi pơhrua tui hơdôm črăn amăng Tơlơi phiăn tuh pơ alin, Tơlơi phiăn đĭ kyar sang bruă bơwih ƀong mơdrô anet hăng găp ƀrô či pơdah pơ Khua mua pơ ala pơgôp hiăp ƀơi mông Jơnum lok 2 pơ anăp.

Khua dêh čar ơi Lê Minh Hưng brơi thâo, anai jing hơdôm tơlơi phiăn bơdjơ̆ nao anih tuh pơ alin sĭ mơdrô, kah pơpha hăng mă yua djŏp tơlơi hơmâo, bruă mă mơ̆ng sang bruă mơdrô, akŏ pơjing anih mă bruă djơ̆ tơlơi phiăn, dưi pơhno kơtang hloh mơ̆ng tơlơi bơwih ƀong, sang bruă mơdrô, yua hnun, bruă čih pơkra 4 tơlơi phiăn khŏm pioh amăng abih bang tơlơi kiăng ngă hmao tlôn, djŏp mơ̆ng hơdôm tơlơi pơtrun prong mơ̆ng Ping gah, biă ñu lĕ Hră pơtrun Jơnum ping gah dêh čar tal XIV, djŏp hră pơtrun, tơlơi klah čun mơ̆ng Ping gah./.