Dak Lak pơdă prưng rup rap hăng pơdah phim lăi nao “Trường Sa-Bul pơtâo lŏn ia ta”
Thứ hai, 15:00, 18/12/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Sang djă pioh gơnam yôm Dak Lak hơmâo pơdă prưng rup rap hăng pơdah phim lăi nao “Trường Sa-Bul pơtâo lŏn ia ta”, pioh hơdor glăi 79 thun hrơi akŏ pơjing khul ling tơhan Việt Nam hăng hrơi abih bang mơnuih wai pơgang lŏn ia.
Pơphun mơng hrơi anai truh abih lơ 16/1, hrơi pơdă prưng hơmâo 3 bruă phun, anun lĕ pơdă prưng 97 rup rap, hră čih lăi nao hơdôm bruă pơtop hrăm prap blah ngă hăng tơlơi hơdip mơda kơ ƀing apăn bruă, ling tơhan hăng mơnuih ƀôn sang ƀơi bul pơtâo Trường Sa; pơdah 5 phim lăi nao Trường Sa; pơdă prưng hơbô̆ bruă 21 bul pơtâo amăng bul pơtâo Trường Sa dêh čar Việt nam hăng hơdôm gơnam yôm anun lĕ hla kơ lŏn ia, hla kơ tơhan sơlup Việt Nam, miđai ling tơhan Trường Sa, gơnam pơkra mă mơng amreng, đĕ yua ling tơhan ƀơi bul pơtâo Trường Sa pơkra.
Tơdơi kơ mông pơphun, hơmâo lu mơnuih ƀôn sang hăng tuai čuă ngui nao lăng. Lu mơnuih brơi thâo, hơmâo lu gơnam pơdă, jê̆ giăm, sit nik mơng bul pơtâo Trường Sa.
Viết bình luận