Tlam lơ 23/10, Amăng jơnum tal 2 Khul apăn bruă Ping gah tơring čar Dak Lak, Khua git gai Ping gah tơring čar ơi Lương Nguyễn Minh Triết lăi pơtong, rơkâo pơsit tong ten bruă jao phun, ba tơbiă hơdôm tơlơi pơtrut kơtang amăng rơwang thun 2025-2030. Lăi pơthâo amăng mông jơnum brơi ƀuh, mơng akŏ thun truh ră anai, GRDP amăng tơring čar đĭ giăm 7%; rơnoh pơđĭ kyar sĭ mơdrô pơ tač rơngiao rơbêh 2,3 klai đôlar Mi, đĭ 37,8% pơhmu tui tơđar. Abih tih ngăn drăp him lăng giăm 13 rơbâo klai prăk, dưm dưm 97% mrô gơnong glông jao.

Khul apăn bruă Ping gah tơring čar tŭ ư pơjing jơlan hơdră bruă mă mơng Jơnum hăng pran jua “6 tơlơi rơđah”: rơđah hơnong pơkă, rơđah bruă mă, rơđah mơnuih, rơđah bruă jao, rơđah hrơi mông hăng rơđah gơnam ba sĭ mơdrô. Khua git gai Ping gah tơring čar Dak Lak rơkâo djop anih anom ječ ameč pơgiong bruă pơplih dưm dăp tơring čar, pel ĕp hơdôm akŏ bruă đing nao ngă, ngăn rơnoh mă yua. Amăng anun, pơđĭ kyar jơlan tơkuh nao rai kual glai rưng-ia rơsĭ rôk tui jơlan mrô 29 hơmâo pơsit lĕ akŏ bruă phun, jing kơđŏm glăi tơlơi yôm amăng ha rơwang ngă bruă.