Dak Lăk glăk hơmâo rơbêh 4.100 boh ƀat tô song nan, amăng anun hơmâo 428 boh ƀat tô đuăi jua 90CV nao gah lăm ia rơsĭ mă akan. Ter hang ia rơsĭ ataih 189km, hơdôm rơbâo boh sang anŏ glăk dŏ hơdip, rông akan hơdang hăng sĭ mơdrô bơwih ƀong bơwih brơi tuai hyu ngui. Amăng bơyan glăk hơjan kơthel, anom apăn bruă hăng mơnuih ƀôn sang tơring čar Dak Lăk prăp rơmet pơgang hơjan kơthel pưh nao, pơhlôm rơnuk rơnua kơ ană mơnuih, gơnam tam, hăng plai ƀiă răm rai gơnam, rơngiă prăk kăk.

Pơ tơdrun ia rơsĭ Vũng Rô, să Hòa Xuân Nam, glăk hơmâo rơbêh 600 anih rông akan, 68 boh ƀat tô prong mơ̆ng ƀing mă akan hrŏm hăng năng ai 140 boh ƀat tô mơ̆ng hơdôm boh tơring čar pơkŏn juăt nao rai jưh pơ anai. Anai jing kual pơging angin, pơgang kơthel hơđong biă. Rơngiao kơ bruă pơgang ia rơsĭ, tơhan pơgang guai ăt ngă bruă re se mơn pơgang kơthel, tơlơi truh lŏn adai ngă, djru ba mơnuih mă akan, hăng mơnuih ƀôn sang hơdip pơ ia rơsĭ kiăng rơnuk rơnua hloh. Tơlơi prăp rơmet pơgang hlâo jing djru plai ƀiă hơmâo tơlơi truh, jing ană plơi kơnang mơn, đah mơ̆ng hơmâo pran jua nao rai pơ ia rơsĭ, djru wai lăng, bong kjăp kual ia rơsĭ hăng pơđĭ kyar bơwih ƀong mơ̆ng tơring čar.