Pă črăn tơlơi phiăn hơmâo pơgôp hiăp anun lĕ tơlơi phiăn tŭ mă tơlơi pơhing (čih pơkra), tơlơi phiăn djru bruă djơ̆ tơlơi phiăn (čih pơkra, pơhrua), tơlơi phiăn hră pơ-ar pô (čih pơkra) hăng tơlơi phiăn Công chứng (čih pơkra, pơhrua). Ƀing khua mua hơmâo tơlơi bơtŭ ư hrŏm tơlơi kiăng pơplih pơkra kiăng pơgiong črăn tơlơi phiăn, lăp djơ̆ hăng tơlơi rơkâo pơplih mrô, pơplih ngă hră pơ-ar hăng pơjing gong gai ƀon lan dua gưl.

Pơgôp hiăp amăng tơlơi phiăn tŭ mă tơlơi pơhing, lu tơlơi pơgôp hiăp rơkâo ngă rơđah bruă pơplih pơkra, tơlơi glăm ba lơm lăi pơthâo tơlơi pơhing, pơsit tong ten ƀing hlơi hơngah kiăng mă pơƀuh tơlơi pơhing hơgŏm dêh čar, laih dong khŏm lăi pơthâo tơlơi pơhing amăng plang internet, kơtưn pơlăi nao rai tơlơi pơhing. Hăng tơlơi phiăn djru bruă djơ̆ tơlơi phiăn, ƀing khua mua rơkâo pok prong ƀing mơnuih dưi djru, hrưn đĭ klă amăng bruă bơwih brơi, pơhrua ƀing tơnap hloh. Hơdôm tơlơi pơgôp hiăp amra pơƀut glăi kiăng pơgiong črăn tơlơi phiăn.