Ƀơi mông jơnum, ƀing khua hơmâo hmư̆ hơdôm anom apăn bruă pơtô brơi tong ten hơdôm tơlơi akŏ phun bơwih brơi bruă ruah khua, hơmâo: bruă ruah khua (Khul pơphun bruă Ping gah tơring čar); pơphun jơnum mơnuih ƀôn sang ruah khua, jơnum pơkôl pơkă, pơƀuh anăn mơnuih ba ruah ngă khua (Jơnum min djŏp djuai ania mơnuih mơnam Việt Nam tơring čar); akŏ pơdong, wai lăng hăng pơsit prăk pioh yua amăng tal ruah khua (Gơnong bruă Prăk); tơlơi thâo rơgơi ruah khua (Gơnong bruă čar); bruă brơi gru kơđŏm hră, pơhlom rơnuk rơnua, hơđong kjăp (Kông an tơring čar); hăng bruă pôr pơhing  ruah khua (Gơnong bruă gru grua, bơrơguăt drơi jăn hăng tuai čuă ngui).

Ƀơi mông jơnum, ơi Lương Nguyễn Minh Triết, Khua ping gah tơring čar, Khua khul git gai bruă ruah khua tơring čar Dak Lăk pơtă pơtăn, ră anai abih bang anom bruă čar ƀơi tơring čar glăk ngă lu bruă yom phun ha amăng plĕ, biă ñu lĕ ming pơkra tơlơi truh hơjan ia dăo, djŏp gưl, anom bruă kiăng gơgrong bruă kơtang hloh, ngă bruă ječ ameč, djơ̆ glông, “ngă bruă lu dua, klâo wơ̆t” đah mơ̆ng pơhlom hơđong tơlơi hơdip, pơkra gơnam sĭ mơdrô mơ̆ng mơnuih ƀôn sang, ƀrô pok pơhai klă bruă ruah khua.