Amăng hơdôm hrơi anai, amăng djop plơi pla ala ƀon ƀơi tơring čar Dak Lak pơphun lu bruă mă pioh čơkă hrơi gum pơgôp djop djuai anai (18/11). Tui ơi Y Linh Niê, Kơ-iăng Jơnum min djop djuai ania mơnuih mơnam Việt Nam să Čư̆ Prao, ƀuôn Pa, ƀuôn Năng hăng ƀuôn Hoang hơmâo 346 boh sang anŏ hăng 1.440 čô mơnuih, amăng anun djuai anai Êđê rơbêh 90%. Rĭm thun, amăng hrơi gum pơgôp djop djuai ania, gong gai să pơphun lu bruă pioh čơkă hrơi gum pơgôp djop djuai ania ƀơi rĭm boh plơi pla, samơ̆, thun anai Jơnum min mơnuih ƀon sang să pơsit pơphun pơlir amăng djop plơi kiăng pơtrut pran gum pơgôp mơng djop djuai ania ƀơi ƀon lan.

Nao ngui hrŏm hrơi gum pơgôp djop djuai anai ƀơi anih pơlir djop plơi pla ƀơi să Čư̆ Prao, tơring glông M’Drak, ơi Y Biêr Niê, Kơ-iăng Khua git gai Ping gah tơring čar Dak Lak brơi thâo, hrơi anai jing hrơi ngui prong amăng mơnuih mơnam hăng lu bruă mă tui gru grua yôm phara mơng djop djuai ania Việt Nam pơgôp pơjing pran gum pơgôp djop djuai ania.