Dak Lak pơphun pơtop hrăm marketing brơi hơdôm anom bơwih ƀong hrŏm, anom bơwih ƀong sĭ mơdrô kơphê amăng tơring čar
Thứ sáu, 10:26, 28/03/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Amăng 3 hrơi (dong mơng lơ 25-27/3), Khul pơlir anom bơwih ƀong hrŏm tơring čar Dak Lak pơphun anih pơtop hrăm marketing brơi anom bơwih ƀong hrŏm, anom bơwih ƀong sĭ mơdrô kơphê amăng tơring čar.
Anih pơtop hrăm pơhưč tơlơi mut hrŏm lu mơnuih pơ ala brơi anom bơwih ƀong hrŏm, hăng tơlơi črâo ba mơng ƀing rơgơi kơhnâo amăng bruă marketing, pơphun bơwih ƀong pơplih pơčeh phrâo dêh čar. Ơi Lê Văn Dần, kơ-iăng khua khul pơlir hơbit anom bơwih ƀong hrŏm tơring čar Dak Lak brơi thâo, anih pơtop hrăm anai lĕ sa amăng hơdôm bruă mă yôm phăn kiăng djru brơi hơdôm anom bơwih ƀong hrŏm hrưn đĭ pran bơkơtư, pơđĭ kyar hơđong kjăp hăng pơgôp pơsit tong kơdrưh ang mơng asar kơphê amăng anih anom sĭ mơdrô amăng lŏn ia hăng tač rơngiao.
Pơ anăp anai, Khul pơlir hơbit amra tŏ tui pơphun hơdôm tal pơtop hrăm dơlăm ƀiă dong amăng hơdôm bruă phara kiăng lăp djơ̆ tơlơi rơkâo pơđĭ kyar mơng hơdôm anom bơwih ƀong hrŏm amăng tơring čar.
Viết bình luận