Amăng 2 thun ngă bruă, blung a Dak Lăk hơmâo akŏ pơdong atur bơwih kiăng pơđĭ kyar gong gai mă yua mrô, anăp nao gong gai djŏp gưl mă yua mrô, bơwih brơi bruă git gai, pơđĭ tui boh tŭ yua wai lăng, pơtrut pơplih phrâo bruă ngă hră pơ-ar. Truh ră anai, 100% bruă bơwih brơi tui glông internet amăng tơring čar dưi ngă bruă, pôr pơthâo amăng djŏp glông pôr pơhing phara, wơ̆t hăng măi telephôn djă ƀơi tơngan. 95% mrô hră pơ-ar kiăng pơkra gưl tơring čar; 50% gưl tơring glông hăng 20% gưl să hơmâo pơkra tui glông internet.

Ƀơi mông jơnum, pô pơ ala kơ hơdôm gơnong bruă anom bruă pơƀut bơkơtuai kơ gong gai mă yua mrô, bơwih ƀong mrô, mơnuih tơpuôl mrô. Mơ̆ng anun, hơmâo tơlơi rơkâo pơplih mrô ƀơi plơi pla hơmâo pơtrut tañ hăng abih bang hloh, kiăo hmao jơlan hơdră đĭ kyar mơ̆ng lŏn ia.