Khul pơphun hơmâo jao hră pơpŭ mơng gơnong bruă pơtô pơjuăt brơi 58 čô nai pơtô mă pri “Nai pơtô hlăk ai ba gru” gưl tơring čar; jao gơnam hăng hră pơpŭ brơi 63 čô čơđai sang hră lơm ngă tui tơlơi pơkă “Čơđai sang hră ngă tui 3 tơlơi klă” gưl tơring čar; pơpŭ brơi 2 čô čơđai sang hră ngă tui 3 tơlơi klă gưl gơnong glông hăng pơbưp, hiăp bit hrŏm hăng ƀing Nai pơtô hlăk ai hăng čơđai ngă tui 3 tơlơi klă.

Ƀrô tal anai ƀơi Dak Lak ăt pơphun jơlan hơdră pơbưp hơdor glăi gru grua hăng pơpŭ brơi 41 khul grup hăng mơnuih mă pri “Čơđai sang hră ngă tui 5 tơlơi klă” gưl tơring čar; jao gơnam brơi čơđai sang hră Lao glăk hrăm ƀơi sang hră gưl prong Tây Nguyên hăng jao prăk djru hrăm hră “Ba jơlan brơi hlăk ai Dak Lak”.