Dak Lăk pôr pơhing, pơgăn anŏ hơƀak mơ̆ng djah kơsu kơ ƀing čơđai, hrŏm hăng pơplông pơčeh rơgơi
Thứ ba, 10:39, 23/12/2025
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Lơ 22/12, ƀơi Sang hră gưl 2 Nguyễn Hữu Thọ, phường Bình Kiến, Gơnong bruă Gru grua, Bơrơguăt drơi jăn hăng Tuai čuă ngui tơring čar Dak Lăk pơphun Jơnum pôr pơhing, pơgăn hơƀak djah kơsu kơ ƀing čơđai hăng Tơlơi pơplông pơčeh rơgơi pơkra glăi djah kơsu.
Ƀơi mông jơnum, ƀing khua hăng čơđai sang hră hơmâo lăng video pôr pơthâo, hmư̆ bruă pơgang hlâo, pơgăn djah kơsu; nao lăng anih pơdă rup, hră pơ-ar pôr pơthâo, pơgăn hơƀak djah kơsu.
Bruă anai kiăng pok pơhai Kơčăo bruă “Pơtrut mă pôr pơthâo, pơtô lăi, pơgăn djah kơsu rơwang thun 2021-2025” mơ̆ng Khua dêh čar, laih dong pơsit brơi tơlơi črâo bruă mơ̆ng Jơnum min mơnuih ƀôn sang tơring čar Dak Lăk amăng bruă pơtô pơblang kiăng thâo hluh tui, thâo pơgang anih hơdip jum dar, biă ñu amăng sang hră. Ƀrô tal anai, Grup pơphun bruă ăt pơtum glăi hăng brơi pri kơ Tơlơi pơplông pơčeh rơgơi pơkra glăi djah kơsu, hăng 17 pri kơ grup, hơjăn pô hơmâo tơlơi pơčeh rơgơi, dưi mă yua sit nik./.
Viết bình luận