Tui hăng Gơnong bruă Boh thâo hăng Ia rơgơi phrâo, mơ̆ng thun 2023-2026, tơring čar pok pơhai 21 mơta bruă mă, kơsem min ia rơgơi gưl tơring čar amăng bruă ngă hmua, ba yua măi mok phrâo, pơkra ming gơnam sĭ mơdrô, pơkra ming ia jrao gun hăng ba yua ia rơgơi mrô rơnoh prăk tuh pơ alin abih tih 37 klai prăk; truh ră anai hơmâo tuh pơ alin ba yua 21 klai prăk, ngă djop 56% akŏ bruă jao.

Mơ̆ng thun 2021 truh ră anai, Dak Lak ăt pok pơhai 19 kơčăo bruă phun gah bruă kơsem min boh thâo ia rơgơi tơlơi pơhing phrâo hăng glông bruă pioh ba yua pơblih mrô. Kơnong amăng thun 2026, tơring čar hơmâo pioh lui 300 klai prăk brơi djop kơčăo bruă kơsem min ia rơgơi phrâo, kah hăng pơđĭ tui glông bruă bơwih brơi tơlơi jơnum mơ̆ng ataih, pơƀuh ƀô̆ mơta amăng tivi mơ̆ng tơring čar hăng să, phường, ba yua mrô rơnoh djop mơta anăn čih djă pioh hăng akŏ pơdong atur djă pioh mrô bơwih brơi kơ bruă git gai, pơčrâo ba bruă wai pơgang tơlơi rơnuk rơnua hơđong.