Akŏ bruă anai tui jơlan gah pơđĭ kyar tuai čuă ngui hrưn đĭ klă ƀiă, yôm tui hăng lu tơlơi ĕp lăng, mơng tơlơi pơmĭn “jŭ yap mrô tuai” hơdai nao tơlơi bơwih brơi klă kơ tuai rơnguai. Truh thun 2030, Dak Lak gir run čơkă rơbêh 15 klăk tuai, pơhrui mơng tuai čuă ngui pơgôp giăm 12,5% GRDP; pơjing hơdôm jơlan ter tơkuh nao rai kual Dap kơdư hăng ia rơsĭ hăng hơdôm kual đang glai, gru grua yôm phara.

Anăp nao truh thun 2050, tơring čar anăp nao pơjing anih tuai čuă ng amăng đang glai, gru grua yôm phara, laih dong pơjing anih tui nao ĕp asar kơphê kual Asia. Khua Jơnum min mơnuih ƀon sang tơring čar ơi Đỗ Hữu Huy rơkâo pơsit tong gơnam tuai čuă ngui phun, amăng anun hơmâo kơphê, rơma, gru grua čing hơdor, gru grua kual ia rơsĭ hăng glai rưng; pơlir hăng pơđĭ kyar tuai čuă ngui mơtah.