Jơlan hơdră hơmâo pơphun ƀơi sang hră gưl tlâo Lê Quý Đôn (plơi prong Buôn Ma Thuột), pơhưč rơbêh 1.600 čô hlăk ai hăng čơđai sang hră amăng tơring čar mut hrŏm. Ƀing čơđai kiăo tui lăng tơlơi ngă sen “Tơlơi rơkâo pap mơñai rơnuč” hăng hluai tui mông phat kơđi pơsir hĭ bruă ngă arăng rơka rơkač.    

Mơng anun pơdah rơđah kơđi amra glăm ba yua ngă rơka rơka arăng, ƀing amăng sang anŏ ñu hăng hơdôm tơlơi ba truh kơ ƀing pô ngă soh kah hăng sang anŏ gơñu. Tơdơi kơ pơđut hĭ mông phat kơđi lĕ mông pơlăi nao rai, tơña hăng glăi glăi hrŏm hăng bruă pơtô pơblang tơlơi phiăn. Boh tơhnal amăng mông pơtô pơblang hluai tui hơdôm tơlơi tơña, tơlơi pơhmutu kiăng ƀing čơđai, hlăk ai lăi pơthâo kơ bruă bơrơtaih amăng sang hră, bruă pơsir hĭ; tơlơi gơgrong mơng rĭm čô mơnuih, sit biă ñu ƀing čơđai sang hră kiăng pơgang, pơgăn bruă bơrơtaih ƀơi sang hră.