Amăng anun, bruă tŏ ngă tui tơlơi pơtrun mrô 18-NQ/TW mơng Khul apăn bruă Ping gah kơ “Sa, dua bruă tŏ tui pơplih phrâo, dưm dăp anih anom mă bruă brơi hơbot, ngă bruă klă, tŭ yua” hơmâo tơlơi đing nao biă mă. Hrŏm hăng boh than dưi ngă lơm ngă tui tơlơi pơtrun mrô 18, ƀing khua mua ăt lăi nao hơdôm tơlơi tơnap tap, gun găn amăng bruă ngă tui.

Sa, dua tơlơi pơgôp hiăp brơi ƀuh, bruă dưm dăp anih anom bơdjơ̆ nao tơlơi čang rơmang mơng ƀing apăn bruă, mơnuih Ping gah, mơnuih mă bruă. Laih dong, ngă kaih amăng bruă mă, bơdjơ̆ nao bruă ngă tui bruă jao mơng hơdôm anih anom. Khua git gai Ping gah tơring čar Dak Lak ơi Nguyễn Đình Trung lăi pơtong, tơdơi kơ lui hĭ gưl tơring glông, să amra glăm ba lu bruă jao, rơkâo bruă dưm dăp ƀing apăn bruă pơhlôm brơi kơ klă, tŭ yua.