Tơdơi kơ rơbêh 3 blan pơmut hrŏm, Dak Lak hơmâo pơgiong 100% hơnong pơkă pơplih mrô ƀơi 102 boh să, phường,hăng mrô hră pơ-ar ngă mơng ataih truh 34,5%. Anom bruă ngă hră pơ-ar dua gưl tŏ tui tŭ mă rơbêh 350 rơbâo pok hră pơ-ar, amăng anun 76% hơmâo ngă brơi mơng ataih. Đơ đam tơring čar hơmâo rơbêh 83% mrô mơnuih ngă brơi hră pơ-ar anăn pô mrô 2, giăm 80% dưi mă yua laih. Hơdôm boh than anai pơdah tơlơi yak nao kơtang mơng gon gai ƀon lan amăng pơplih mrô, anăp nao sa anom bruă giăm mơnuih ƀôn sang, rơđah rơđông, pơplih phrâo.

Khua Jơnum min mơnuih ƀôn sang tơring čar ơi Tạ Anh Tuấn brơi thâo, pơ anăp anai, hrŏm hăng pơtrut kơtang pơplih mrô, tơring čar amra đing nao ngăn rơnoh man pơkra hơdôm ară jơlan phun, sit biă ñu lĕ ară jơlan rơdêh đuăi hmar tơkuh nao rai Ngŏ- Yŭ, tơkuh nao rai tơdrun kompăn, tơdron rơdêh por hăng hơdôm ară jơlan đuăi hmar dêh čar anun lĕ Kơdư-Dơnung hăng Buôn Ma Thuột-Vân Phong.