Truh ră anai, tơring čar hơmâo pơkra glăi giong 892 boh sang răm yua ia ling dăo. Amăng mrô  606 boh sang man pơdong phrâo, tơring čar ngă giong laih 362 boh sang hăng jao glăi 311 boh sang.

Hơdôm sang dŏ glăi hơmâo man giong 2/3 laih. Kơnong 16 boh sang amăng kual pơdong plơi pla phrâo, tơring čar amra jao lơ 19/1. Tui hăng Jơnum min mơnuih ƀôn sang tơring čar Dak Lak, 16 boh sang anai man pơdong ƀơi anih pơdong plơi phrâo, kiah čuk pơdăo ngă atur, laih dơ̆ng čuk jơlan bơwih brơi man pơdong, rô nao rai gêh găl anun kaih ƀiă; lơ̆m anun adai hơjan hlim na nao hrơi blan laih rơgao. Ră anai Dak Lak hlăk pơtum abih pran jua, mơnuih mă bruă, man pơdong kiăng ngă giong tañ hơdôm sang dŏ glăi đah mơ̆ng jao glăi kơ mơnuih ƀôn sang tañ hơđong tơlơi hơdip mơda.