Dak Lak pơtrut pơđĭ kyar boh thâo ia rơgơi, boh thâo măi mok hăng pơplih pơčeh phrâo
Thứ tư, 10:09, 15/10/2025
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Lơ 14/10, gơnong bruă boh thâo ia rơgơi tơring čar Dak Lak mă bruă hăng hơdôm anom bruă, sang hră hăng anom bơwih ƀong sĭ mơdrô amăng tơring čar kiăng pok pơhai tơlơi pơtrun mrô 57 mơng Ding jum kơđi čar kơ pơtrut pơđĭ kyar yua boh thâo ia rơgơi, boh thâo măi mok, pơplih pơčeh phrâo hăng pơplih mrô dêh čar.
Amăng thun blan rơgao, Dak Lak hơmâo ngă tui rơbêh 45 bruă jao yua boh thâo ia rơgơi djop gưl, hăng rơbêh 80% boh tơhnal kơsem min hơmâo mă yua amăng tơlơi sit nik, sit biă ñu amăng bruă ngă hmua yua boh thâo phrâo, boh thâo sinh học, djă pioh-pơkra pơjing gơnam đang hmua hăng pơplih mrô.
Amăng mông mă bruă, ƀing pơ ala hơdôm anom bruă, sang hră, anom bơwih ƀong sĭ mơdrô bơtŭ ư kiăng hơmâo hơdră lăp djơ̆ ƀiă dong amăng bruă ruah ƀing rơgơi kơhnâo, pơsir hĭ kông ngăn kơsem min hăng ba gơnam sĭ mơdrô, anăp nao pơjing glông pơlir pơplih pơčeh phrâo pơlir kjăp kơplah wah anom bruă wai lăng, ƀing rơgơi kơhnâo hăng anom bơwih ƀong sĭ mơdrô.
Viết bình luận