Anai lĕ boh tơhnal hơmâo lu khua mua đing nao lăi pơthâo amăng jơnum kơ boh thâo gưl tơring čar yua Sang hră pơtô bruă kơđi čar tơring čar Dak Lak pơphun mơguah lơ 27/5. Tơdơi kơ dưm dăp, đơ đam tơring čar hrŏ trun mơng 184 dŏ 102 anih anom gưl să, laih dong lu bruă jao mơng gưl tơring glông jao trun ƀon lan. Mah tui anun, bruă ngă brơi hră pơ-ar djơ̆ hrơi mông ăt rơbêh 97%, rơbêh 83% mrô hră pơ-ar hơmâo ngă brơi mơng ataih.

Lu tơlơi pơgôp hiăp brơi thâo, gưl să glăk kơƀah mơnuih mă bruă amăng hơdôm bruă prăk kak, lŏn mơnai, tuh pơ alin, boh thâo măi mok. Kơ-iăng Khua grup ngă bruă phara Grup Khua pơ ala mơnuih ƀon sang tơring čar Nguyễn Thị Thu Nguyệt rơkâo tan hơmâo tơhnal pơkă djru brơi lăp djơ̆ kiăng bong tơkai hăng pơhưč mơnuih mă bruă thâo rơgơi glăi pơ ƀon lan.