Anai lĕ tal nao čuă sit nik blung a mơng Khua apăn akŏ Ping gah, kơnuk kơna Việt Nam pơ Thái Lan tơdơi kơ Jơnum tal XIV mơng Ping gah hăng tơdơi kơ hrơi ruah khua mua phrâo ƀơi Việt Nam pơgiong. Sit biă ñu, Thái Lan lĕ dêh čar kual ASEAN blung a hơmâo Khua git gai Ping gah, Khua mir sir ruah nao čuă amăng hơdôm bruă pơtom hiăp gưl khua mua pơprong amăng kual.

Tal nao čuă pơphun amăng thun dua bơnah hơdor glăi 50 thun akŏ pơjing tơlơi rô nao rai pơtom hiăp hăng tơdơi kơ dêh čar Việt Nam-Thái Lan hrưn đĭ tơlơi rô nao rai jing bơnah ngă hrŏm yôm phăn djop mơta amăng blan 5/2025. Tal nao čuă čang rơmang jing tơlơi pơtrut phrâo amăng bruă ngă hrŏm dua bơnah jai hrơi sit nik, dơlăm tui, pơgôp prong amăng pơhlôm rơnuk rơnua, hơđong hăng pơđĭ kyar amăng kual ASEAN.