Amăng tal nao mă bruă ƀơi Dak Lăk, ơi Nguyễn Thanh Nghị, Khua Anom čih pơkra akŏ bruă phun mơ̆ng Ping gah hơmâo ngă bruă hăng tơring čar kơ pok pơhai bruă bơwih ƀong huă - mơnuih mơnam. Ƀơi mông ngă bruă, tơring čar Dak Lăk rơkâo Gơnong dlông tañ pơtrun hơdră ngă bruă phara đah mơ̆ng pơƀut lu tơlơi gêh găl, ngă atur kiăng hơmâo rơnoh đĭ kyar 2 mrô. Bơwih ƀong huă - mơnuih mơnam kŭi 1 hơđong mơn, laih anun hơmâo lu boh than. Bruă bơwih ƀong ăt pok prong đôč, đĭ kyar mơ̆ng tơring čar pơkă lăng hơđong mơn, hơmâo rơbêh 48.400 klai prăk, đĭ 11,7% pơhmu hăng tơđar thun 2025.

Pơhiăp ƀơi mông ngă bruă, ơi Nguyễn Thanh Nghị bơni kơ tơlơi gir run mơ̆ng Dak Lăk amăng hrơi mông dŏ lu tơlơi tơnap, samơ̆ tơring čar kiăng khut khăt hloh amăng bruă git gai, biă ñu lĕ brơi prăk ngă bruă kơnuk kơna jao, pơklaih brơi hơdôm ring bruă dŏ dun glăi hăng hrŏ trun mrô sang anŏ rin.