Tui hăng ơi Lê Văn Tuấn, mơnuih ƀôn sang plơi Bình Minh, thun 2013, lơ̆m hlăk klơi lơ̆n či pơdong tơmeh amăng jang lan sang, sang anŏ hơmâo ƀuh tơlang hăng gơnam yua mơ̆ng pô djai laih anun rŭ kuai ba nao dor pơ pơsat Plah anom bruă ngă hmua Čư̆ Kpô. 13 thun laih rơgao, sang anŏ nao čuă jơmư, wai lăng ba pơsat anun.

Truh blan 8/2026, tơdơi hmư̆ tơlơi pơhing ngă tui “Bruă ngă 500 hrơi mlam”, sang anŏ ơi Tuấn lăi pơthâo tơlơi pơhing kơ tơhan sang bruă kơnuk kơna. Grup K51 tơdơi kơ anun, nao rŭ kuai mă sa per tơlang, hrŏm gơnam yua mơ̆ng pô djai anun kah hăng sum ao tơhan, jep kơsu, rơsi rah ƀŭ, bơnal yu, hrĕ yu hăng ao hơjan tơhan ƀô̆ đô̆i. Ƀing tơhan djop anom bruă kơnuk kơna hơmâo mă meh tơlang ba pơčrang ADN. Tơlang anun hlăk pơgang pioh klă, tơguan ngă yang atâo h’ŭ dor glăi djơ̆ tơlơi pơkă.