Kual bơwih ƀong Nam Phú Yên hơmâo pơsit jing anih đĭ kyar gah Ngŏ mơ̆ng Dak Lăk, đĭ kyar sang măi pơkra măi mok, logistics, hăng tơdrun kom păn. Bruă akŏ phun ră anai lĕ dua kơčăo bruă prong yua Grup bơwih ƀong Hòa Phát tuh pơ alin, hơmâo Kual sang măi Hòa Tâm (giăm 492ha, prăk ngă bruă rơbêh 4.188 klai) laih anun Tơdrun kom păn Bãi Gốc (rơbêh 306 ha, prăk ngă bruă năng ai 16.300 klai, mrô gơnam dưi jưh pơ anai 26,7 klăk tơn/thun).

Anai jing kơčă bruă hmư̆ hing, bang hyu lu anih, pơsit bruă tuh pơ alin mơ̆ng hơdôm anom bơwih ƀong laih anun pơjing ruăi bơwih ƀong boh thâo ia rơgơi - bơwih brơi ƀơi ia rơsĭ. Khă hnun, hơdôm kơčăo bruă glăk hơmâo akŏ kơđông mơn yua kơƀah lŏn pơtâo či bơbôr đĭ, tơnap gah hră yua lŏn, apui lơtrik, ia aka ƀu kơnar ôh, laih anun kaih pơdong plơi phrâo kơ mơnuih ƀôn sang. Anai ăt jing hơdôm bruă mơ̆ tơring čar glăk pơƀut pơsir brơi amăng tal anai./.