Ƀơi mông mă bruă pơtum nao Kơčăo bruă “Kơtưn tơlơi thâo bong glăi amăng bruă ngă hmua anet raih daih khom pơhlom djop ia bruih yua anŏ pơblih ayuh hyiăng ngă amăng kual Dap Kơdư hăng Dơnung Tong krah” (SACCR) laih anun kơčăo bruă anet “Pơđĭ tui, man pơkra bơnư̆ pơkong ia bơwih brơi bruă bruih ia kơ phun pla hmua kơdư hang” gah Kơčăo bruă “Pơđĭ tui boh tŭ yua sit yua ia ƀơi hơdôm tơring čar bơbeč djơ̆ yua adai không kơtang phang prong” (WEIDAP), mă yua rơnoh prăk čan mơ̆ng Sang bruă prăk Pơđĭ kyar kual ASIA (ADB).

Tơdơi kơ 5 thun pok pơhai ƀơi Dak Lak, Kơčăo bruă SACCR hơmâo djru ngă pơđĭ kơtang hloh anŏ gơgrong ba amăng hrơi blan pơblih ayuh hyiăng, pơsir hơdră ngă hmua pla pơjing, hơđong tơlơi hơdip mơda kơ mơnuih ƀôn sang ngă hmua amăng tơring čar. Khă hnun, lu črăn bruă yom amăng kơčăo bruă, biă mă ñu bruă man pơdong lu anih dưm măi ƀôp ia, kiah mă yua 41 klai prăk, aka truh mơ̆n 4% rơnoh prăk čan ODA. Ƀơi mông mă bruă, khua mua pơ ala sang bruă UNDP ƀơi Việt Nam lăng yom tơlơi gir run mơ̆ng tơring čar Dak Lak amăng bruă pok pơhai ngă tui, laih dơ̆ng lăi kơčăo bruă anai yom biă mă hăng bruă pơhlom brơi djop ia yua, ia bruih kơ hmua pơdai đang boh troh hăng tơlơi hơdip mơda mơnuih ƀôn sang. Khua mua pơ ala UNDP rơkâo Dak Lak tañ ngă giong hră pơar čih dăp ming pơkra glăi brơi găl, kiăng dưi ngă tui na nao hăng khom ngă giong truh rơnuč thun 2027.