Ơi Phạm Tuấn Anh, Khua gơnong bruă ngă hmua hăng pơđĭ kyar ƀon lan tơring čar Dak Nông brơi thâo, mơng blan 9/2019 truh akŏ blan 10/2022, đơ đam tơring čar hơmâo 113 čô tơhan wai lăng, mơnuih apăn bruă pơdơi bruă ƀudah pơplih anih mă bruă, 35 čô mơnuih pơplih hơdai nao bruă pơkŏn dong. Mrô mơnuih pơdơi hăng mă bruă pơkŏn dong dưm dưm 20% mrô mơnuih apăn bruă ƀơi hơdôm anom bruă wai lăng glai kah hăng hơdôm kông ti wai lăng glai gah kơnuk kơna.

Tơhan wai lăng glai mă bruă glêh tơnap hăng hŭi rơhyưt, samơ̆ prăk apah aset, ƀu pơhlôm brơi tơlơi hơdip mơda

Bruă mơnuih apăn bruă pơdơi bruă ngă glêh tơnap kơ bruă wai lăng glai ƀơi Dak Nông, lơ̆m tơhan jai hrơi aset tui samơ̆ arăng jao lu bruă, wai lăng lu kual glai rưng. Bruă anai ăt ngă bơngŏt kơ ƀing mơnuih glăk mă bruă, yua anun jai hrơi jai lu tui mơnuih pơdơi bruă ƀudah pơplih mă bruă pơkŏn dong. Kiăng pơgăn hĭ bruă anai, ơi Phạm Tuấn Anh brơi thâo, gơnong bruă ngă hmua hăng pơđĭ kyar ƀon lan amra pơphô bruă brơi tơring čar sa, dua hơdră djru, kiăng pơsur tơhan wai lăng glai; samơ̆ sui pơ anăp, kơnuk kơna kiăng pơplih đĭ tui prăk apah, hơmâo hơdră djru kiăng mơnuih mă bruă hơđong pran jua wai lăng glai rưng.