Dak Nông bưp mơnuih ƀôn sang hlâo kơ Tal jơnum lok 8, Khua pơ ala mơnuih ƀôn sang dêh čar tal 15
Thứ năm, 10:19, 26/09/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Amăng dua hrơi rơgao (24 hăng 25/9), Grŭp Khua pơ ala mơnuih ƀôn sang tơring čar Dak Nông hmâo ngă tui laih mông bưp mơnuih pơ ala kơ mơnuih ƀôn sang ƀơi hơdôm bôh să Dăk Sin, tơring glông Dak R’lấp, phường Nghĩa Trung, plơi prong Gia Nghĩa, să Nâm N’Đir, tơring glông Krông Nô hăng să Ea Pô, tơring glông Čư̆ Jut, hmư̆ tơlơi gum pơhiăp mơnuih ƀôn sang hlâo kơ Tal jơnum lok 8, Khua pơ ala mơnuih ƀôn sang tal 15.
Amăng hơdôm mông bưp, Grŭp Khua pơ ala mơnuih ƀôn sang dêh čar tơring čar Dak Nông lăi pơthâo truh mơnuih pơ ala kơ mơnuih ƀôn sang pơkă hlâo bôh yôm, jơlan hơdră Tal jơnum lok 8, Khua pơ ala mơnuih ƀôn sang dêh čar tal 15 amra pơphun amăng blan 10 pơ̆ anăp.
Mơnuih pơ ala kơ mơnuih ƀôn sang tơring čar Dak Nông hmâo lăi laih lu tơlơi gum pơhiăp, rơkâo đĭ kơ hơdôm tơlơi dô̆ glăi ƀơi plơi pla. Mơnuih pơ ala kơ mơnuih ƀôn sang čang rơmang gơnong bruă pơtô pơhrăm kơsem min mă yua tŭ ư hrŏm hơdôm mơta hơdrôm hră hrăm hăng amra mă yua glăi kiăng pơkrem prăk hrăm hră kơ čơđai sang hră. Tơring čar khom đing nao hloh dong bruă yua prăk pơdŏng anom mă bruă amăng plơi pla kah hăng apui lơtrik, ia yua, sang ia jrao gah tơring glông./.
Viết bình luận