VOV4.Jarai - Kơthel mrô 4 ngă kơ hrĕ dăng yua apui lơtrik amăng tơring čar Quảng Nam răm rai kơtang, ngă lu anih ƀu hơmâo apui yua. Tơdơi kơ hơmâo tơlơi git gai mơng Kông ti apui lơtrik kual Tong krah, kông ti apui lơtrik Dak Nông hơmâo akŏ pơjing 2 grup ba jơlan hlâo nao djru brơi tơring čar Quảng Nam pơkra ming. Tui anun, hơdôm pluh čô mơnuih apăn bruă hrŏm hăng gơnam tam măi mok djop mơta…nao tơl tơring glông Núi Thành, tơring čar Quảng Nam pơkra ming hơdôm anih răm rai tơdơi kơthel pưh nao.

PC Dak Nông nao pơdong glăi gong apui lơtrik ƀơi Núi Thành, Quảng Nam

Ƀơi hơdôm anih răm rai, ƀuh lu gong apui lơtrik kơthel ngă rơbuh, lu anih joh, tơ̆i hrĕ, ia ling dăo… ƀing kông nhơn hơmâo ječ ameč nao sem lăng tơl anih. hơmâo hơdră pơkra ming, pơpha jing hơdôm grup amăng bruă pơhlôm kjăp hăng tañ hloh. Kông nhơn PC Dak Nông ƀu hŭi hơjan hlim, pơ-iă kơtang ăt mă bruă na nao kiăng tañ pơkra ming, tô glăi apui lơtrik brơi mơnuih ƀon sang tơring čar Quảng Nam.

VOV Tây Nguyên/Siu Đoan: Pơblang