Anai lĕ mrô hơmâo Jơnum min mơnuih ƀôn sang Dak NÔng lăi pơthâo hăng Anom bruă git gai pơgang tơlơi truh lŏn adai ngă. Mơ̆ng lơ 28/7 truh lơ 18/8, ƀơi tơring čar Dak Nông hơmâo hơjan prong ƀơi lu anih, ngă ia dăo ƀơi đơr hơr, ngă glut, tơhroh lŏn. Hơjan ia dăo ngă kơ 2 čô djai yua ia kor pơđuăi, ngă dăo 275 boh sang dŏ, rơbêh 700ha phun pla hăng năng ai 230 ha dơnao rông akan hơdang. Hrŏm hăng anun, lu ring bruă pơkra jơlan, dơnao kŏng ia răm mơn yua lŏn tơhroh. Prăk rơngiă truh kơ 1.046 klai.

Amăng bơyan hơjan kơthel anai, Jơnum min mơnuih ƀôn sang tơring čar Dak Nông hơmâo 2 wơ̆t pơtrun ječ ameč pơgang tơlơi truh lŏn adai ngă. Bruă ming pơkra tơdơi kơ hơjan kơthel ƀơi Dak Nông glăk bưp lu tơlơi tơnap. Ră anai prăk pioh pơgang tơlơi truh lŏn adai ngă mơ̆ng tơring čar dŏ glăi 2 klai 900 klăk đôč. Lơ̆m prăk pơđom lui mơ̆ng tơring čar thun 2023 kơnong kơ 74 klai đôč. Yua hnun, Jơnum min mơnuih ƀôn sang tơring čar Dak Nông rơkâo Anom git gai bruă pơgang tơlơi truh lŏn adai ngă rơkâo hăng Khua dêh čar djru ba prăk kơ tơring čar hơmâo 661 klai.