Anai lĕ tal blung a jơnum pơbưp nao rai hơmâo pơphun ƀơi tơring čar Dak Nông, jơnum pơphun tui hơdră tơña hăng lăi glăi. Amăng mông jơnum, hơdôm tơlơi tơña bla, rơkâo đĭ pơdah djop mơta bruă anun lĕ bơwih ƀong huă, gru grua, mơnuih mơnam, wai pơgang rơnuk rơnua, pơjing Ping gah hăng anih anom kơđi čar.

Tơdơi kơ hmư̆ ƀing khua mua mơng hơdôm gơnong bruă, anom bruă, Jơnum min mơnuih ƀôn sang tơring čar , Khul pơ ala mơnuih ƀon sang tơring čar lăi glăi rĭm tơlơi tơña, rơkâo đĭ, ơi Ngô Thanh Danh, Khua git gai Ping gah tơring čar Dak Nông lăng hơdôm tơlơi pơgôp hơmâo pơdah tơlơi kiăng, tơlơi bơngŏt mơng ƀon lan. Ha bơnah amăng anun hơmâo laih hơdôm gơnong bruă, anom bruă amăng tơring čar lăi glăi. Khul apăn bruă Ping gah tơring čar Dak Nông tŏ tui kơsem min, tŭ mă hăng lăi glăi, pơsir hĭ hơdôm bruă hơmâo ba tơbiă.