Amăng hơdôm hrơi rơgao, djop anom bruă ƀơi tơring čar hlăk tañ pơsir rŭ glăi tơlơi răm ƀăm anih pơčah čơđang lŏn tơhlŏm taluy či akiăng jơlan Hồ Chí Minh Km 1936+080 hăng črăn Km 1936+300 amăng kual plơi thôn 3, să Quảng Tín, tơring glông Dak Rlâp. Dua anih čơđang tơhlom anai, ngă dlưh taluy kriăng čư̆ hăng anih lŏn dor bơbeč djơ̆ ring bruă jơlan nao rai hăng hŭi hơmâo tơlơi truh kơ mơnuih ƀôn sang rô nao rai.

Ƀơi anih dlưh taluy anai, anom bruă wai lăng jơlan Hồ Chí Minh hlăk pơsir glăi tơhnal čơđang mơčah, dlưh taluy giăm glông ia rô kiăng huăi răm kơtang ƀơi jơlan. Laih dơ̆ng, ngă hrŏm hăng gong gai kơnuk kơna pok pơhai tañ bruă mă čuk pơkra, pơsir hĭ anih pơčah čơđang wơ̆t kriăng čư̆ taluy pơtrun ƀơi atur jơlan, hlă gai pơthâo, dăng hrĕ pơgăn pioh mơnuih ƀôn sang ƀuh hăng bĕ anih čơđang atutt jơlan hăng taluy dlưh trun.