Kiăo tui anun, tơhnal pơkă pơđĭ kyar abih bang tơring čar ba tơbiă amăng rơwang 2021-2030 jing pơđĭ tui tơlơi hơdip mơda gơnam tam, bôh thâo hăng pran jua mơng Mơnuih ƀôn sang djơ̆ rơnoh hơnong ñu lu mơng đơ đam dêh čar, hluai tui anun pơđĭ kyar bơwih ƀong – mơnuih nơnam tañ, kơjăp; pơdŏng Daklak jing anih anom phun, sa anih pơđĭ kyar mơng kual Dăp Kơdư, mut hrom hăng pơlir hơbit tui jơlan gah pok pơhư hăng kual laih anun jar kơmar. Truh thun 2050, Daklak jing anih nao hor hloh, anih lăp dô̆ hơdip, rơnuk rơnua – pơhlôm klă; hmâo bruă bơwih ƀong tui hơdră đĭ kyar hơdjă, pran gơgrong pơđĭ kyar mơng tơring čar dưi pơđĭ tui, hơdră pơkă bơwih ƀong amăng ƀut 25 bôh tơring čar ba jơlan hlâo đơ đam dêh čar.

Kiăng dưi ngă tui anun, ơi Đinh Trọng Thắng, Khua Anom wai lăng kual pơkă lŏn, Ding jum kơčăo bruă hăng tuh pơplai lăi lĕ, Daklak khom đing nao hloh bruă pơpha anih anom rơđah rơđông, pơdah rơđah kiăng bĕ bơrơkua, lui raih ƀudah ngă săn anih anom lom pơđĭ kyar./.