Mơnuih ƀôn sang đăo kơnang prong biă mă kơ hơdôm hră pơtrun, jơlan hơdră prong mơ̆ng ping gah tal jơnum anai, hloh kơ anun dơ̆ng lĕ črăn jơlan pơđĭ kyar phrâo mơ̆ng lŏn ia.

Lu plơi pla ƀơi Dak Lak, tơlơi mơak čơkă jơnum prong ping gah tal XIV hơmâo pơƀuh tong ten biă mă hăng bruă mă rơđah rơđong. Mơ̆ng hla gru mriah por đhơ đhet ƀơi anăp sang jơnum, sang anŏ mơnuih ƀôn sang, truh pơ tơlơi ngui ngor mơak hmư̆ ik jua čing ing jua hơgor, mơñum tơpai čeh hăng djă tơngan suang arab mơak čơkă jơnum prong, mơnuih ƀôn sang djop pô kiăng mơ-it nao tơlơi đăo kơnang, tơlơi čang rơmang prong kơ tal jơnum ruah khua ping gah.

Ƀơi Gia Lai, djop jơlan glông amăng plơi, ter jơlan hlă hla gru hiam mriah hêm, wơ̆t bơnal păng čih pơthâo mơak tơlơi jơnum ping gah. Mơ̆ng djop jơlan amăng ƀôn prong, trun nao pơ kual ataih truh pơ kual giăm guai, lăng hyu djop anih pơhrôp hiam, kơdrưh, lăp pơ-ư ang biă mă, bang bơngač hyu hrơi mơak bruă kơđi čar yom phara mơ̆ng lŏn ia.