Tui hăng Khul ngă kơphê Buôn Ma Thuột - anom pơphun pơplông, thun anai hơmâo pơhưč 82 anom bruă, hăng 185 gru kơphê hơmâo ba pơplông. Kơphê hơmâo ba pơpkông giăm 348 tơn, đĭ 42% pơhmu hăng thun 2025.

Anai jing tơlơi hiam biă mă, brơi ƀuh bruă anŏ dưi pơkra kơphê jơman mơ̆ng Việt nam ƀu djơ̆ bơwih brơi anih mơdrô anet đôč ôh, dưi ba sĭ pơ anih mơdrô prong hloh, anih kiăng kơphê jơman, pơkra klă hloh. Sa tơlơi pơđing nao dong lĕ bruă pơkra kơphê tui rơnuk phrâo glăk pơplih kơtang biă mă, pơjing rai lu mơta gơnam phara, anŏ ƀâo mơnâo ñu phara mơn, pơđĭ tui anŏ yom mơ̆ng gơnam tam. Hrŏm hăng anun, pơplông tal anai ăt hơmâo tom kual pla kơphê phrâo, rơngiao kơ kual juăt pla laih mơ̆ng hlâo, brơi ƀuh anŏ pok prong anih đĭ kyar kơphê jơman hmư̆ ư Việt Nam.