Hrơi pơphun mă bruă pơplih pơčeh phrâo lĕ hrơi pơphun tui tơđar brơi ƀing mơnuih pơphun mă bruă pơčeh phrâo, amăng akŏ bruă djru pơlir hơbit amăng pơphun mă bruă pơplih pơčeh phrâo dêh čar truh thun 2025 (Akŏ bruă 844 mơng Khua dêh čar). Thun anai, ƀơi Dak Lak, jơlan hơdră hơmâo pơphun lu bruă mă anun lĕ: pơdă prưng hăng lăi pơthâo 150 anih pơdă gơnam pơphun mă bruă, gơnam OCOP, gơnam tuh tia pơkra pơjing, ƀon lan ba gru hăng hơdôm gơnam djru bơwih brơi tuai čuă ngui ƀơi ƀon lan.

Jơnum pơlir hơbit mă bruă hăng pơphun mă bruă pơčeh phrâo. Črâo ba ngă hră pơ-ar akŏ pơjing anom bơwih ƀong sĭ mơdrô, črâo ba čih anăn, jŭ yap mă jia; lăi pơthâo prăk čan kmlai ƀiă; djru mă bruă kĭ anăn mrô, măi mok jŭ yap mơng anom bơwih ƀong sĭ mơdrô. Hơdôm jơnum bơkơtuai bơdjơ̆ nao truh pơ bruă djru brơi anom bơwih sĭ mơdrô lăp djơ̆, hơkrŭ glăi; pơlir hơbit sĭ mơdrô gơnam tam; hơdră ngă hmua hơdjă.