Amăng hơdôm hrơi rơgao, yua bơdjơ̆ nao mơng hơdôm tal hơjan ia dăo, ngă răm rai kơtang hloh kơ mơnuih hăng kông ngă gơnam tam mơnuih ƀôn sang kual Tong krah, Dap kơdư, sit biă ñu hơdôm boh tơring čar, ƀôn prong: Dak Lak, Lâm Đồng, khánh Hòa, Gia Lai, Đà Nẵng. Ngă tui tơlơi git gai mơng khua mua Ping gah, kơnuk kơna, Ding jum kông ang hơmâo jak iâu rơbêh 195.000 čô mơnuih apăn bruă, tơhan kông ang mut hrŏm wai pơgang hơđong ƀơi ƀon lan; rơbêh 27.700 boh rơdêh ba nao djru, rŭ pơdong glăi anŏ răm rai yua kơthel, ia dăo; pơphun djru brơi 150.000 čô mơnuih, rơbêh 500 tơ̆n gơnam tam hăng 4,7 klai prăk djru brơi mơnuih ƀôn sang kual răm rai.

Amăng mông pơphun, Khua mua Ding jum kông ai jak iâu abih bang tơhan kông ang tŏ tui ngă bruă sit nik, hmao tlôn djru brơi mơnuih ƀôn sang anăm brơi kơƀah asơi huă, ia mơñum, ia jrao. Kông ang djop ƀon lan gơgrong pel ĕp glăi hơdôm kual hŭi rơhyưt, wai pơgang ƀing ngă soh amăng hơdôm hrơi anai hăng kơtưn djru brơi mơnuih ƀôn sang./.