Găn rơgao 3 blan pok pơhai hrơi pel ĕp, pơsir hĭ hơdôm bruă ngă soh lơ̆m đuăi rơdêh amăng jơlan glông, tơhan pôlih wai lăng jơlan glông hơmâo mă, pơsir rơbêh 788 rơbâo čô mơnuih ngă soh lơ̆m đuăi rơdêh amăng jơlan glông; rơbêh 112 rơbâo čô đuăi hmar rơgao hăng mrô pơkă...

Ding jum kông ang pơphun hră pel ĕp, pơsir bruă ngă soh amăng jơlan glông

Hrŏm hăng anun, kông ang hơmâo pơphun, pơtô pơblang ƀơi rơbêh 31 rơbâo pô sang mơñum ƀong, ƀar, anih ngui adôh suang…pơtrut pơsur rơbêh 25 rơbâo anom bơwih ƀong sĭ mơdrô, 190 rơbâo čô mơnuih ngă tui djơ̆ bruă dưm dăp, pơdŭ pơgiăng gơnam brơi kơ djơ̆ hăng mrô pơkă tui hluai rơdêh; nao pơtă pơtăn ƀing mơnuih mut mơñum ƀong kiăng kơ ngă tui tơlơi phiăn pơgang tơlơi sat mơng tơpai ƀiêr; anăm mơgăt rơdêh lơ̆m mơñum tơpa ƀiêr…Mơng anun pơgôp ngă hơđong amăng jơlan glông, plai ƀiă ƀuh rơdêh pơjrŏm amăng đơ đam dêh čar, tơlơi truh sat amăng jơlan glông hrŏ trun 3 hơnong pơkă pơhmu hăng hlâo kơ hrơi pơphun pel ĕp.