Amăng mông pơphun, Khua ding jum kông ang-Đại tướng ơi Lương Tam Quang rơkâo Khua kông ang hơdôm anom bruă ƀon lan hluai tui hơnong pơkă pơlông amăng akŏ bruă mơng Ding jum hăng 21 tơhnal phun tong ten “Ngă bruă kjăp hloh-Akĕ phĭ hloh-Giăm mơnuih ƀôn sang hloh” kiăng pơhrua amăng jơlan hơdră, tơhnal pơkă bruă mă; rĭm blan amăng jơnum pơƀut grup Ping gah rĭm čô khua mua, ƀing apăn bruă, tơhan kông an, rĭm anom bruă lăng nao rai, lăng glăi pô, lăi nao rơđah hơdôm gơnam pơglăi, boh than tong ten pơdah pran “Ngă bruă kjăp hloh-akĕ phĭ hloh-Giăm mơnuih ƀôn sang hloh” hơmâo dưi ngă.

Khua ding jum ơi Lương Tam Quang đăo gơnang lĕ, rĭm čô khua mua, rĭm čô mơnuih apăn bruă, tơhan kông ang amăng Kông ang mơnuih ƀôn sang amra gir run rĭm hrơi, ba bruă pơplông tlâo bruă klă hloh lar hyu kơtang, jing anŏ pơtrut ngă tui tơlơi dưi mơng tơlơi pơtrun Jơnum Ping gah kông ang gơnong glông VIII, ba bruă pơhlôm rơnuk rơnua, hơđong pơgôp lăp djơ̆ amăng rơnuk phrâo ƀơi dêh čar ta tui tơlơi git gai mơng khua mua Ping gah.