Tui hăng akŏ bruă mơ̆ng Ding jum ngă hmua, lu bruă ngă kơđi čar, mơnuih mơnam, gru grua hiam yom biă mă hơmâo pơphun laih mơ̆ng blan 7 truh blan 12 thun anai.

Hăng anăp ngă bruă “Gru grua-Pơblih phrâo-Pơđĭ kyar-Hơđong kơjăp”, Jơnum hơdor glăi 80 thun anom bruă ngă hmua hăng pơgang ayuh hyiăng ƀu kơnong kiăng hơdor tơngia kơ djop rơnuk mơnuih mă bruă pơyơr pran jua kơ gơnong bruă anai đôč ôh, dŏ jing gru kơđŏm pok pơhư črăn phrâo-anăp nap bruă ngă hmua pơgang mơnong hơdip hơdjă lŏn mơnai glai klô rơnuk anai, mơnuih ngă hmua thâo rơgơi, lir hơbit hăng bruă wai lăng, ba yua hăng pơgang kông ngăn lŏn mơnai glai klô tŭ yua hloh. Djă pioh gru grua hiam amăng 80 thun hing ang, đơ đam anom bruă ngă hmua hăng pơgang ayuh hyiăng bơkơtưn mă bruă khăp kơ lŏn ia, pơblih phrâo tơlơi pơmin git gai, ba yua boh thâo ia rơgơi-pơblih yua mrô, djru hrŏm man pơdong lŏn ia kiăng pơdrong asah, mơtah mơda hăng mơak hlak, ngă tui djơ̆ anŏ kiăng “Việt Nam khin hơtai, pơdrong sah, mơtah mơda hăng hơđong kơjăp”.