Tui lăi pơthâo, truh ră anai, Yên Bái hơmâo 18/19 hơnong pơkă dưi ngă hăng rơgao hơnong pơkă tui tơlơi pơtrun mơng Jơnum Ping gah tơring čar, hơmâo 01 hơnong pơkă kiăng đing nao git gai khut khăt hăng hơmâo hơdră lăp djơ̆ kiăng pơgiong kơ mrô kyâo pơging amăng glai rưng mơng 63-65%. Đĭ pơhiăp amăng mông mă bruă, Ding kơna Khul git gai Ping gah yă Trương Thị Mai tŭ yap, pơpŭ bơni, lăng yôm hơdôm tơlơi gir run mơng Ping gah tơring čar Yên Bái hơmâo găn rơgao tơnap tap kiăng ba glăi lu tơlơi dưi yôm amăng thun blan laih rơgao.

Amăng anun, yôm hloh lĕ Yên Bái hơmâo khut khăt ngă tui klă amăng bruă hruă kjăp, ngă tui tong ten, git gai ngă tui tơlơi pơtrun. Laih dong lăi pơtong, mơng anun truh rơnuč rơwang mă bruă, Yên Bái kiăng đing nao pok pơhai hơdôm hơdră pơhrui ngăn drăp pơhlôm djơ̆ hơnong pơkă ba tơbiă; đing nao hrưn đĭ klă amăng pơtô hrăm mơnuih mă bruă; hrưn đĭ tơlơi hơdip mơda-pran jua mơng djuai ania. Kiăng pơtô pơjuăt mơnuih mă bruă djơ̆ hăng tơlơi rơkâo.