VOV4.Jarai - Ding jum kông ang pơphun jơnum lăng nao rai mơng ataih đơ đam dêh čar ta pok pơhai kơčăo bruă pel ĕp, lăng glăi anô̆ pơhlôm bruă pơgang, pơgăn apui ƀong hăng djru pơtlaih. Tui hăng kơčăo bruă mơng Ding jum kông ang, tal pơphun pel ĕp, lăng glăi anô̆ pơhlôm pơgang pơgăn apui ƀong hăng djru pơtlaih tal anai pơphun mơng lơ 15/10/2022 truh lơ 15/12/2022.

Kông ang hơdôm bôh anom, plơi pla amra pơphun pel ĕp anô̆ pơhlôm pơgang, pơgăn apui ƀong hăng djru pơtlaih hăng abih bang anih anom gah kơnuk kơna wai lăng pơgang pơgăn apui ƀong. Amăng anun, đing nao pel ĕp rơđah hơdôm anih anom sĭ mơdrô hmâo tơlơi gal gah rơnuk rơnua hơđong, anih anom prong, tum pơƀut lu mơnuih, hmâo tơhnal huĭ rơhyư̆t, amra hmâo apui ƀong, pơtuh prong kah hăng sang jưh tuai, sang apah dô̆, anih sĭ tơpai ƀiêr, anih adôh suang, sang dô̆ prong, sang lu tal, anih anom sĭ mơdrô prong, sang dưm gơnam, sang măi pơkra gơnam./.

VOV.TN čih

Siu H’ Prăk pơblang