Bruă pơblih hơdră čih mrô rơnoh yua apui lơtrik anai, hơmâo tơlơi tŭ ư mơ̆ng abih bang tuai pơkĕ yua apui lơtrik tui hăng hră kĭ pơkôl dua bơnah. Truh ră anai, anom bruă apui lơtrik pơblih hơdră ngă hră pơar kĭ pơkôl apah yua apui lơtrik kơ rơbêh 3,16 klăk pô apah yua apui lơtrik. Amăng thun 2023 amra pok pơhai pơblih hơdră čih mrô apui lơtrik yua ƀơi kôngter amăng hrơi rơnuč rim blan brơi kơ 2,6 klăk čô pô apah yua. Bruă pơblih hơdră čih mrô kôngter anai kiăng tơpă, rơđah rơđong hloh, amuñ wai lăng čih pioh jŭ yap mrô rơnoh pơkĕ yua apui lơtrik.

Amăng blan pơblih čih mrô kôngter, mrô hrơi yua apui lơtrik mơ̆ng ƀing apah yua ƀuh lu hloh kơ thun hlâo, kah hăng rơnoh pơkĕ yua apui lơtrik ăt lu hloh mơ̆n. Mah tui anun, bruă anai ƀu bơbeč truh kơ anŏ tŭ yua ƀing tuai apah apui lơtrik ôh, rơnoh pơkă brơi yua, hră tla prăk apui lơtrik mơ̆ng ƀing tuai ăt djơ̆ hnong pơtrun tui rơnoh pơkă pơhaih rơđah rơđong ră anai.